දැනුම සඳහා අපගේ හවුල්කරුවන්

ශ්‍රී ලංකාව තුළ තොරතුරුවල ගුණාත්මකභාවය ඉහළ නැංවීමටත්, කරුණු කාරණා අවබෝධ කරගැනීමට මහජනතාවට ඇති හැකියාව වැඩිදියුණු කිරීමටත්, FactCheck.lk කැපවී සිටී. මෙම අරමුණ සාක්ෂාත් කර ගැනීම සඳහා දැනුම බෙදාගැනීම පිණිස ප්‍රධාන හවුල්කරුවන් කිහිප දෙනෙකු සමඟ අපි සහයෝගයෙන් කටයුතු කරන්නෙමු:

Manthri.lk: මෙම වේදිකාව පාර්ලිමේන්තු මන්ත්‍රීවරුන්ගේත්, සමස්තයක් වශයෙන් පාර්ලිමේන්තුවේත් ක්‍රියාකාරිත්වය ඇගයීමට ලක් කර ඔවුන් වගවීමට ලක් කිරීමට හැකි වන සේ ව්‍යවස්ථාදායකය සම්බන්ධයෙන් අවබෝධයක් පුරවැසියන් හට ලබා දෙයි.

PublicFinance.lk: PublicFinance.lk යනු ශ්‍රී ලංකාවේ රාජ්‍ය මූල්‍ය සම්බන්ධයෙන් තොරතුරු පළ කරන වේදිකාවකි. දැනුම සහ විශ්ලේෂණ හරහා තොරතුරු සහ රාජ්‍ය මූල්‍ය පිළිබඳ අවබෝධය අතර පවතින පරතරය පියවීම මෙම වේදිකාවේ අරමුණයි.

එතික්ස් අයි (Ethics Eye): Ethics Eye, මාධ්‍ය ආචාර ධර්ම උල්ලංඝනය කිරීම්, ගැටලුකාරී මාධ්‍ය හැසිරීම් සහ වැරදි තොරතුරු සඳහා ජනමාධ්‍ය අධීක්ෂණයට ලක් කරයි. තම කාර්යභාරය හරහා මහජනතාව දැනුවත් කිරීමටත්, ජනමාධ්‍ය වගවීමට ලක්කිරීමටත් මෙම වේදිකාව අපේක්ෂා කරයි.

Media Ownership Monitor (MOM): MOM යනු, මුද්‍රිත මාධ්‍ය, ගුවන් විදුලිය, රූපවාහිනී සහ අන්තර්ජාල වශයෙන් අදාළ සියලුම මාධ්‍ය ආතනවල හිමිකරුවන් ලැයිස්තුගත කර මහජනතාවට විවෘත, අඛණ්ඩව යාවත්කාලීන වන දත්ත ගබඩාවක් නිර්මාණය කරන මෙවලමකි.

කරුණු කාරණා අවබෝධ කරගැනීමට මහජනතාවට ඇති හැකියාව සහ තොරතුරු මත FactCheck.lk ඇති කරන බලපෑම පුළුල් කිරීමට මෙම හවුල්කාරිත්වයන් මගින් හැකියාව ලැබේ.