பதிவுசெய்யப்பட்ட வரிக் கோப்புகளில் ஏற்பட்டுள்ள வீழ்ச்சி குறித்து ஜனாதிபதி சரியாகக் குறிப்பிடுகிறார்

உண்மைச் சரிபார்ப்புகளும்

2019ம் ஆண்டின் இறுதியில் 1.5 மில்லியன் வருமான வரிக் கோப்புகள் இருந்ததாகவும் 2021ம் ஆண்டின் இறுதியில் வருமான வரிக் கோப்புகளின் எண்ணிக்கை 400,000 ஆகக் குறைந்துள்ளதாகவும் ஜனாதிபதி குறிப்பிடுகிறார். 2020ம் ஆண்டில் முன்னெடுக்கப்பட்ட வரித் திருத்தங்கள் காரணமாகவே 2019ம் ஆண்டிலிருந்து 2021ம் ஆண்டில் வரிக் கோப்புகளின் எண்ணிக்கை குறைந்துள்ளது எனக் குறிப்பிட்டு அவர் இந்தக் கூற்றுகளை முன்வைக்கிறார்.

இந்தக் கூற்றைச் சரிபார்க்க, உள்நாட்டு இறைவரித் திணைக்களத்தின் வருடாந்த செயலாற்றுகை அறிக்கைளை (APRIRD) FactCheck.lk ஆராய்ந்தது.

நிறுவன மற்றும் தனிநபர் வருமான வரி செலுத்துநர்கள் ஆகிய இரண்டு வகைகளையும் கருத்தில் கொண்டால், 2019 மற்றும் 2021ம் ஆண்டுகளின் டிசம்பர் மாத இறுதியில் முறையே 1,505,552 மற்றும் 409,814 வருமான வரிக் கோப்புகள் காணப்படுவதை APRIRD காட்டுகிறது (அட்டவணை 1 ஐப் பார்க்கவும்). ஜனாதிபதி குறிப்பிடும் எண்ணிக்கைகள் அறிக்கைகளில் உள்ள எண்ணிக்கைகளுடன் பொருந்துகின்றன. அவர் குறிப்பிடுவதைப் போன்று வரிக் கோப்புகளின் எண்ணிக்கையில் 73% வீழ்ச்சி காணப்படுகிறது.

எனவே ஜனாதிபதியின் கூற்றை நாங்கள் சரியானது என வகைப்படுத்துகிறோம்.

*பகிரங்கமாகப் பொதுவெளியில் கிடைக்கக்கூடிய அண்மைத்தகவல்களை அடிப்படையாகக் கொண்டே FactCheck.lk தனது முடிவுகளை எட்டுகின்றது. புதிய தகவல்கள் கிடைக்கும் பட்சத்தில் இந்த மதிப்பீடுகளை FactCheck.lk மறுபரிசீலனை செய்யும்.

@மூலம்: உள்நாட்டு இறைவரித் திணைக்களம், வருடாந்த செயலாற்றுகை அறிக்கை, 2018 – 2021, தொழிற்படை கணக்கெடுப்பு ஆண்டறிக்கை 2021, DCS புள்ளிவிபரவியல் சிறுநூல் 2022

குறிப்பு:

கணக்கீட்டில் உள்ள தவறுகள் காரணமாக, உள்நாட்டு இறைவரித் திணைக்களத்தின் 2018 வருடாந்த செயலாற்றுகை அறிக்கையின் அட்டவணை 2.1ல் மொத்தம் 986,684 வருமான வரிசெலுத்துநர்கள் மற்றும் 1,182,736 வரிக் கோப்புகள் உள்ளதாகப் பதிவாகியுள்ளது (பக்கம் 35). 

PIT- முற்பண தனிநபர் வருமான வரி திட்டத்தின் கீழ் வருமான வரியைச் செலுத்தும் தனிநபர்கள் மற்றும் ஊழியர்களின் எண்ணிக்கை