අමාත්‍ය ගුණවර්ධන අභ්‍යන්තරව අවතැන්වූවන් ඉහළ ප්‍රතිශතයක් නැවත පදිංචි කරවූ බව නිවැරදිව පවසයි, එහෙත් වැරදි සංඛ්‍යාලේඛන භාවි කරයි

තොරතුරු පිරික්සීම

මෙම ප්‍රකාශයෙන් අමාත්‍ය දිනේශ් ගුණවර්ධන පවසා සිටින්නේ යුද්ධය අවසාන වීමෙන් පසුව, අභ්‍යන්තරව අවතැන් වූ පුද්ගලයින් (IDP) නැවත පදිංචි කරවීමෙහිලා රජය විසින් සැලකිය යුතු ප්‍රගතියක් අත්පත් කරගෙන ඇති බවයි. ඔහු ප්‍රකාශ කරන්නේ, වර්තමානය වන විට අභ්‍යන්තරව අවතැන්වූවන් 440,000 දෙනෙකුගේ සමස්තයෙන් 93.76% ක ප්‍රමාණයක් නැවත පදිංචි කරවා ඇති බවයි.

FactCheck.lk මගින් අධිකරණ, මානව හිමිකම් හා නීති ප්‍රතිසංස්කරණ අමාත්‍යාංශය (MoJ) ඔස්සේ ලබාගැනීමට ඇති නවතම දත්ත භාවිතා කරමින් අමාත්‍යවරයාගේ මෙම ප්‍රකාශය සම්බන්ධයෙන් විමසුම් කොට ඇත. පළමුවෙනි වගුව ඔස්සේ පෙන්නුම් කරන්නේ, 2019 ජූලි 31 දින වන විට නැවත පදිංචි කරවා ඇති අභ්‍යන්තරව අවතැන් වූ පුද්ගලයින් සංඛ්‍යාවත් (894,449), නැවත පදිංචි කරවීමට සිටින අභ්‍යන්තරව අවතැන් වූ පුද්ගලයින් සංඛ්‍යාවත් (27,317) වේ. නැවත පදිංචි කරවීමට සිටිනා අභ්‍යන්තරව අවතැන් වූවන්ගේ ප්‍රතිශතය, අමාත්‍යවරයා විසින් ප්‍රකාශිත 440,000 සංඛ්‍යාවෙන් ප්‍රතිශතයක් ලෙසට ගත් විට 6.21% ක් වේ. ඇතැම් විට අමාත්‍යවරයා ප්‍රකාශ කළ 93.79% ක සංඛ්‍යාව ඔහු විසින් ලබාගෙන ඇත්තේ 100% කින් 6.21% අඩු කිරීමෙන් විය හැක. කෙසේ වුවත්, ඔහු භාවිතා කළ එම සමස්ත අභ්‍යන්තරව අවතැන් වූවන්ගේ සංඛ්‍යාව 440,000 ක් වේය යන සංඛ්‍යාව නිවැරදි නොවන අතර, සැබෑ සමස්ත අභ්‍යන්තරව අවතැන් වූවන්ගේ සංඛ්‍යාව (894,449) සමගින් ගත් විට නැවත පදිංචි කර ඇති අභ්‍යන්තරව අවතැන් වූවන් ප්‍රතිශතය ඔහු අඩුවෙන් දක්වා ඇත. සැබෑ ප්‍රතිශතය වන්නේ 97.04% කි (පළමු වගුව බලන්න).

අමාත්‍යවරයා මෙහිදී පුළුල්ව අදහස් කරන්නේ, අභ්‍යන්තරව අවතැන් වූ පුද්ගලයින්ගෙන් විශාල ප්‍රතිශතයක් නැවත පදිංචි කරවා ඇති බවයි. එම අදහස සම්බන්ධයෙන් ඔහු නිවැරදි වේ. කෙසේ වුවත් නැවත පදිංචි කරවීමට සිටි සමස්තය සම්බන්ධයෙන් සාවද්‍ය, වඩාත් අඩු සංඛ්‍යාලේඛනයන් දැක්වීමෙන් අමාත්‍යවරයා විසින් අභ්‍යන්තරව පදිංචි කර ඇති පුද්ගලයින් සම්බන්ධයෙන් පවතින තත්ත්වය වරදවා දක්වන අතර, එසේම ඒ සම්බන්ධයෙන් සිදුව ඇති ප්‍රගතියද අඩු තක්සේරුවකින් යුතුව දක්වයි.

එනිසා, අපි අමාත්‍ය දිනේෂ් ගුණවර්ධනගේ ප්‍රකාශය පාර්ශවිකව සත්‍ය යැයි සඳහන් කරමු.

වගුව 1: 2019 ජූලි 31 වන විට අභ්‍යන්තරව අවතැන් වූවන් නැවත පදිංචි කරවීම් කටයුතුවල තත්ත්වය

*FactCheck.lk හි නිශ්චය පාදක වී ඇත්තේ පොදු ජනයාට ප්‍රවේශ විය හැකි, වඩාත්ම යාවත්කාලීන තොරතුරු මතයි. අපගේ සෑම කරුණු සොයා බැලීමකදීම මෙන්ම මෙම කරුණු සොයා බැලීමේදීද වෙනත් නව තොරතුරු අනාවරණය වන්නේ නම්, FactCheck.lk හි මෙම ඇගයීමද ඊට අනුකූලව යාවත්කාලීන කිරීමට අප සූදානම්.