Statement

16% කට වැඩි සමස්ත ප්‍රාග්ධන ප්‍රමාණාත්මක අනුපාතයකින්, 130% කට වැඩි ශුද්ධ ස්ථායී අරමුදල් අනුපාතයකින්, 175% කට වැඩි ද්‍රවශීලතා ආවරණ අනුපාතයකින් සහ 32% කට වැඩි ව්‍යවස්ථාපිත ද්‍රවශීල වත්කම් අනුපාතයකින් යුතුව, බැංකු ක්ෂේත්‍රය ශක්තිමත්ව පවතිනවා. මේ කාර්ය සාධන දර්ශක සමගින්, කිසිවෙකුට බැංකු පද්ධතියේ වත්මන් ශක්තිය සම්බන්ධයෙන් අමතර සහතික කිරීම් අවශ්‍ය යැයි මම සිතන්නේ නැහැ.

Fact check

බැංකු පද්ධතියේ ශක්තිය පිළිබඳව මහ බැංකු අධිපතිගේ ප්‍රකාශය මත විශ්වාසය තැබිය හැකියි.

ගෝලීය සහ දේශීය බැංකු මගින් ගන්නා අවදානම තක්සේරු කිරීම ඔස්සේ ශ්‍රී ලංකා මහ බැංකු (CBSL) අධිපති ඩබ්ලිව්.ඩී.ලක්ෂ්මන්ගේ ප්‍රකාශය ඇගයුම් කිරීම සඳහා FactCheck  විසින්, මහ බැංකු මගින් මුදල් හා මූල්‍යමය ස්ථාවරත්වය අත්පත් කරගැනීමට සිදුකරනා ප්‍රයත්නයන් සඳහා මෙහෙවර කරනා හා සහාය ලබාදෙන ජාත්‍යන්තර සංවිධානයක් වන ජාත්‍යන්තර පියවීම් බැංකුව (BIS) මගින් සකස් කරනා ලද ප්‍රතිපත්ති සමූහය විමසා බලා ඇත. ශ්‍රී ලංකාවේ දේශීය බැංකු ආයතන නියාමනය කෙරෙනු ලබන්නේ, ජාත්‍යන්තර පියවීම් බැංකුවේ (BIS) මාර්ගෝපදේශයන්ට අනුකූලව ශ්‍රී ලංකා මහ බැංකුව මගිනි.

මහබැංකු අධිපතිවරයා විසින් උපුටා දාක්වන ලද අනුපාතයන්, උක්ත සඳහන් සම්මතයන් මත පදනම් වූ අදාළ දර්ශකයන් වේ. ඔහු විසින් උපුටා දක්වන ලද සංඛ්‍යාලේඛනයන් ශ්‍රී ලංකා මහ බැංකුව මගින් වාර්තා කොට ඇත.

මහබැංකු අධිපතිවරයා විසින් සමස්ත බැංකු ක්ෂේත්‍රය සඳහා වන සාමාන්‍ය අනුපාතයන් වාර්තා කරයි. කෙසේ වෙතත්, බැංකු ක්ෂේත්‍රයේ ශක්තිය, මෙම දර්ශකයන් මත එක් එක් බැංකු දක්වන කාර්ය සාධනය මත රඳා පවතිනු ඇත. එක් එක් බැංකුව සඳහා වන එක් එක් දර්ශකය සඳහා වන යෝග්‍ය මිණුම් සලකුණු, එම එක් එක් බැංකුවේ පද්ධතිමය වැදගත්කම මත ශ්‍රී ලංකා මහ බැංකුව මගින් ලබාදී ඇති වර්ගීකරණය මත පදනම්ව විචලනය වේ.

2020 මාර්තු 31 දින වන විට ශ්‍රී ලංකාවේ ඉහළින්ම සිටිනා බැංකු 10 ම මෙම නියාමන අවශ්‍යතාවයන් පූර්ණ කොට ඇතිතේ, ඔවුන්ගේ නියාමන ශක්තිය පෙන්නුම් කරමිනි (නිදර්ශකය 1).

එනිසා, මහ බැංකු අධිපතිවරයාගේ ප්‍රකාශය සත්‍ය යැයි අපි තක්සේරු කරමු.

තම ප්‍රකාශය ඔස්සේ මහ බැංකු අධිපතිවරයා, රටේ මූල්‍ය පද්ධතියේ ශක්තිය ඇගයුම් කිරීම සඳහා අවශ්‍ය නිවැරදි අනුපාතයන් හඳුනාගනී.

කෙසේ නමුත්, සමස්ත බැංකු ක්ෂේත්‍රයේ සාමාන්‍යය සැලකිල්ලට ගැනීම ප්‍රමාණවත් නොවන්නේ, ඒ ඔස්සේ යම් යම් බැංකු මුහුණ දෙන නොපෙනෙන ගැටළු සැඟවිය හැකි බැවිනි. මන්දයත්, ශ්‍රී ලංකාවේ බැංකු පද්ධතියේ ශක්තිය රඳා පවතින්නේ, තනි තනි බැංකු ශ්‍රී ලංකා මහ බැංකුව විසින් ලබාදී ඇති නීති රීති හා අනුකූල වන්නේද යන කරුණ මත බැවිනි.

මෙම නීති රීති, බැංකුවක ප්‍රමාණය, අන්තර්-සම්බන්ධතාවයන් සහිත බව, මූල්‍ය පද්ධතිය තුළ ආදේශක හැකියාව සහ විවිධත්වය මත රඳා පවතී. මෙම ප්‍රභේදනයන් පිළිබිඹු වන ලෙසින් ශ්‍රී ලංකා මහ බැංකුව විසින් දේශීය බැංකු කාණ්ඩගත කොට ඇත. ලංකා බැංකුව සහ කොමර්ෂල් බැංකුව “D-SIB: bucket 2” යටතේ කාණ්ඩගත කොට ඇති අතර, හැටන් නැෂනල් බැංකුව සහ කොමර්ෂල් බැංකුව “D-SIB: bucket 1” යටතේ කාණ්ඩගත කෙරී ඇත. මෙම බැංකු පද්ධතිමය වශයෙන් වැදගත් ලෙසින් සැලකෙන අතර, මූල්‍ය පද්ධතියේ ස්ථාවරත්වය සහතික කිරීම උදෙසා අනෙකුත් “D-SIBනොවන” බැංකු හා සංසන්දනය කිරීමේදී ඔවුන් වඩාත් ඉහළ විචක්ශණශීලීත්වයකින් යුත් කාර්ය සාධන දර්ශකයන් සැපිරිය යුතු යැයි අදහස් කෙරේ.(නිදර්ශකය 2)

සටහන:

ශ්‍රී ලංකා බැංකු ක්ෂේත්‍රය නියාමන අවශ්‍යතාවයන් පරිපූර්ණ කොට තිබුණත්, බැංකු ක්ෂේත්‍රය තුළ වර්ධනය වෙමින් තිබෙනා යම් යම් වියහැකි අවදානම් තත්වයන්ගේ සංඥාවන්ද වේ.

2020 මැයි මාසයේදී Fitch Ratings ඔස්සේද ශ්‍රී ලංකාවේ බැංකු වල මෙහෙයුම් තත්ත්ව ලකුණු ‘b’ සිට ‘b-‘ දක්වා පහත හෙළා සංශෝධනය කොට තිබුණේ, ස්වෛරී ණය ප්‍රමාණනයන් සහ ශ්‍රී ලංකා ආර්ථිකයේ අවදානම් සහගත තත්වයන් වෙත වූ අවප්‍රමාණක පීඩනය හේතු කොට ගනිමිනි.

මීට අමතරව, 2019 පළමු කාර්තුව සහ 2020 පළමු කාර්තුව ඇතුළතදී ක්‍රියාකාරී නොවන වත්කම් (NPA) ප්‍රමාණය 4.2% කින් ඉහළ නැග තිබුණේ, ජනතාවට තමන්ගේ ණය ගෙවීමට ඇති හැකියාවේ විය හැකි කඩාවැටීමක් හඟවමිනි. ක්ෂේත්‍රයේ ස්ථාවරත්වය තක්සේරු කිරීමෙහි ලා ක්‍රියාකාරී නොවන වත්කම් (NPA) සම්බන්ධයෙන් විශේෂයෙන් නියම කළ සීමාවක් නොමැති වුවත්, මෙම සමස්ත ඉහළ නැඹුරුව සැලකිල්ල දැක්විය යුතු කාරණාවක් වේ. පවතින ක්‍රියාකාරී නොවන වත්කම් (NPA) ප්‍රමාණය, 20174 තුන්වන කාර්තුවෙන් පසු වාර්තා වූ වැඩිම ක්‍රියාකාරී නොවන වත්කම් වේ.