Claim
මහින්ද රාජපක්ෂ
එක්සත් ජනතා නිදහස් සන්ධානය
අද වන විට විශ්ව විද්‍යාල වල ඉගෙනුම ලබන කාන්තාවන්ගේ ප්‍රතිශතය 50% ට වඩා වැඩියි.
දිවයින: 2 Sep 2019
Statement
අද වන විට විශ්ව විද්‍යාල වල ඉගෙනුම ලබන කාන්තාවන්ගේ ප්‍රතිශතය 50% ට වඩා වැඩියි.
Fact check
කාන්තාවන්ගේ උසස් අධ්‍යාපනය සම්බන්ධයෙන් අග්‍රාමාත්‍ය මහින්ද රාජපක්ෂ නිවැරදියි.
මෙම ප්‍රකාශයේ සත්‍යාසත්‍ය භාවය සොයා බැලීම සඳහා, අප විසින් විශ්වවිද්‍යාල සහ උසස් අධ්‍යාපන ආයතනයන් හි 2018 වසරේ උපාධි අපේක්ෂකයින් ලෙසින් ලියාපදිංචි වීම් වල සංඛ්‍යාලේඛනයන් සම්බන්ධයෙන් විශ්වවිද්‍යාල ප්‍රතිපාදන කොමිෂන් සභාවෙන් (UGC) විමසුම් කළෙමු. මෙහිදී අපට ලබාගැනීමට හැකිවූ සංඛ්‍යාලේඛනයන් මගින් ආවරණය කෙරෙන්නේ 1978 වසරේ අංක 16 දරණ විශ්වවිද්‍යාල පනත යටතේ ස්ථාපනය කෙරුණු ආයතනයන් පමණි. මෙම පනත යටතට නොගැනෙන රාජ්‍ය සහ පෞද්ගලික උසස් අධ්‍යාපන ආයතනයන් ගණනාවක් පවතී.
විශ්වවිද්‍යාල ප්‍රතිපාදන කොමිෂන් සභාවේ සංඛ්‍යාලේඛනයන්ට අනුව, 2018 වසරේ උසස් අධ්‍යාපන ආයතනයන්හි ලියාපදිංචි වූ අයවලුන් 97,815 දෙනෙකුගෙන් 62,907 දෙනෙකු කාන්තාවන් වේ. එනම් ප්‍රතිශතයක් ලෙසින් එය 64.3% කි.
ජෙනරාල් සර් ජෝන් කොතලාවල ආරක්ෂක ඇකඩමිය (මෙය ආරක්ෂක අමාත්‍යාංශය මගින් පාලනය වේ) හෝ ශ්‍රී ලංකා තොරතුරු තාක්ෂණ ආයතනය (විශ්වවිද්‍යාල ප්‍රතිපාදන කොමිෂන් සභාවේ අනුමැතිය ලත් උපාධි පාඨමාලා ලබාදෙන, පෞද්ගලිකව පාලනය වන ආයතනයකි) වැනි විශ්වවිද්‍යාල පනත යටතට නොගැනෙන සරසවි/උසස් අධ්‍යාපන ආයතනයන් මගින් ප්‍රකාශිත සංඛ්‍යාලේඛන සොයා ගැනීමට FactCheck කණ්ඩායම අසමත් වුණි. කෙසේ වෙතත්, විශ්වවිද්‍යාල ප්‍රතිපාදන කොමිෂන් සභාවෙන් ලබාගත් සංඛ්‍යාලේඛන තහවුරු කර ගැනීමට උත්සාහ කිරීම උදෙසා, FactCheck කණ්ඩායම ශ්‍රී ලංකා ශ්‍රම බල සමීක්ෂණයේ (LFS) සංඛ්‍යාලේඛන භාවිතා කොට ඇත. 2014 වසරේ ශ්‍රී ලංකා ශ්‍රම බල සමීක්ෂණ දත්ත ඔස්සේ කළ අපගේ විශ්ලේෂණයෙන්, කාන්තාවන්ගෙන් 57% කට වැඩි ප්‍රමාණයක් තමන් විශ්වවිද්‍යාල වල ලියාපදිංචි වූවන් ලෙසින් වාර්තා කොට ඇති බව හෙළි විණි. 2018 වසර සඳහා විශ්වවිද්‍යාල පනත මගින් ආවරණය වන සහ නොවන සියලුම ආයතනයන්හි අවසාන දත්ත ලබාගැනීමට නොහැකි වුවත්, අප ඉහතින් සඳහන් කර ඇති ආකාරයට විමසුමට ලක් කළ දත්ත වල සං‍යෝජනය තුළින් ලබාගත හැකි නිර්ණය වන්නේ, අග්‍රාමත්‍ය මහින්ද රාජපක්ෂ සිදුකළ මෙම ප්‍රකාශය නිවැරදි බවයි.
එම නිසා අපි, අග්‍රාමාත්‍යවරයාගේ මෙම ප්‍රකාශය සත්‍ය වේ යැයි ප්‍රකාශ කරමු.
*FactCheck හි නිශ්චය පාදක වී ඇත්තේ පොදු ජනයාට ප්‍රවේශ විය හැකි, වඩාත්ම යාවත්කාලීන තොරතුරු මතයි. අපගේ සෑම කරුණු සොයා බැලීමකදීම මෙන්ම මෙම කරුණු සොයා බැලීමේදීද වෙනත් නව තොරතුරු අනාවරණය වන්නේ නම්, FactCheck හි මෙම ඇගයීමද ඊට අනුකූලව යාවත්කාලීන කිරීමට අප සුදානම්.
Sources
Sources: University Grants Commission, Statistical Report 2018 – Student Enrolment, available at: https://www.ugc.ac.lk/downloads/statistics/stat_2018/Chapter3.pdf
University Grants Commission, Other Government Universities, available at:
https://www.ugc.ac.lk/en/universities-and-institutes/other-government-universities.html
University Grants Commission, Other Recongnised Degrees, available at: https://www.ugc.ac.lk/en/universities-and-institutes/other-recognized-degrees.html
For the original article: Divaina, 2 September 2019, available at: http://epaper.divaina.com/index.php?option=com_flippingbook&view=book&id=5391